บ่าวไทยใจเหงา นั่งเรือหางยาวมาโฮมบุญธาตุใหญ่
ข้างขึ้นสิบสามค่ำเดือนอ้าย เก็บดอกไม้ถวายธาตุอิงฮัง
องค์พระธาตุฝาแฝด คู่ธาตุพนมดั่งตำนานกล่าวย้ำ
บุญนำพาให้มาพ้อสาวงาม ผู้สาวสะหวัน แห่งดินแดนลาว
งามแท้น้องเอ๋ย อ้ายบ่เคยพ้อไผงามส่ำเจ้า
หวานหลายสำเนียงเสียงเว้า มวยผมเกล้าเบี่ยงผ้าไหมงาม
บ่าวไทยหลงฮัก อยากมาฮู้จักเด้แม่แก้มอ่ำถำ
ขอฮ่วม นั่งเฮียงคนงาม สายแนนถลำ ความฮักเกี่ยวก่อ
โอ๊ยละน้อ หนา ใสเลิงเลิงอ้ายนิเอย
โอ้น้อนางเอย อ้ายอยากพือผืนฝ้าย แพรสีลายทางบ้านพี่เด้น้อ
เอามาห่มอยู่พี้ ให้นางน้องดอกอุ่นคิง อุ่นคิงหนา
นางเอ้ย อ้ายนี้จมจิตข้อง นำพะนางบ่เว้นหว่างเด้น้อ
มาสัญญาผูกมั่น วันทาไหว้ ธาตุฮ่วมกัน ฮ่วมกันหนา
เอ่ยคำสัญญา อ้ายสิได้ลาจาก
คันแม่นสองเฮาพราก ให้จากแต่กายกายา
แต่ว่าหัวใจวิงวอนให้ เจ้านั่นเด้อฮักษา
อ้ายสิข้ามโขงมา เอาบุญพระธาตุอิงฮัง
คันคึดฮอดอ้าย ให้น้องม่าย ไปทางก้ำ
มื้อเอาบุญเดือนสาม นมัสการพระธาตุพนม
พระธาตุคู่แฝด อุรังคะธาตุฮอยพระบรม
ให้ฮักสองเฮาอย่ามีมื้อหล่ม ดั่งธาตุพนมและธาตุอิงฮัง
โอ๊ยแป่นแว่น แก้มเจ้าสาละน้อแป่นแว่น
แก้วแก่นคนงามเอ้ย
แม่นเด้ คันว่าฮักเทื่อนี้ อ้ายบ่หวังสิเอาไผ
บ่อยากไกลสายแนน
บ่อยากจากนางไป ห่างกันน้อเจ้าพอดี้
นางเอย อย่าได้ไลลาถิ่ม ผักกะเดาดอกต้นเก่า
บาดห่ามีลาบก้อย ยังสิได้อ่าวเถิง คึดฮอดโตอ้ายแหน่เด้อ
ได้มาพบเจอ กะถือว่าเป็นบุญแล้ว
ขอให้สองธาตุแก้ว ได้ยู้ฮักเข้ามาใส่
บ่าวไทยสาวลาว สายใจน้าวชั่วดินมลาย
ให้รักกันตลอดไป ดั่งหัวใจอิงฮังพนม